चंदनझिरा परिसराचा वाढता विस्तार, वाढती लोकसंख्या तसेच परिसरातील नागरिकांची आरोग्य सुविधांसाठी होणारी गैरसोय लक्षात घेता सुंदरनगर नागेवाडी येथे शासकीय आरोग्य सुविधा उपलब्ध करून देण्याची मागणी करण्यात आली होती. या मागणीची दखल घेत आमदार खोतकर यांनी संबंधित विभागाकडे सातत्याने पाठपुरावा केला. त्याचाच एक भाग म्हणून आज प्रस्तावित जागेची पाहणी करण्यात आली. हे आरोग्य अभियान अंतर्गत निधी मंजुरीनंतर जागेचा प्रश्नही आमदार खोतकर यांनी सोडवला यापूर्वी आमदार अर्जुनराव खोतकर यांच्या प्रयत्नातून नागरी NRHM मधुन प्राथमिक आरोग्य केंद्रासाठी निधी मंजूर करण्यात आला होता. मात्र, महानगरपालिकेच्या स्तरावरील उदासीनतेमुळे मंजूर झालेला निधी शासनाकडे परत करण्याची नामुष्की मनपावर आली होती. त्यानंतरही आमदार खोतकर यांनी हा विषय सोडून न देता पुन्हा पाठपुरावा करून नागरी प्राथमिक आरोग्य केंद्रासाठी निधी मंजूर करून आणला.

निधी मंजूर झाल्यानंतर आरोग्य केंद्रासाठी आवश्यक असलेल्या जागेचा प्रश्नही निर्माण झाला होता. आमदार खोतकर यांनी या प्रश्नात स्वतः जातीने लक्ष घालून जागेची अडचण दूर करण्यासाठी प्रयत्न केले. त्यामुळे आता आरोग्य केंद्राच्या कामाला पुढील गती मिळण्याचा मार्ग मोकळा झाला आहे.

चंदनझिरा, नागेवाडी, आयेशानगर, एमआयडीसी परिसराला लाभ

सुंदरनगर नागेवाडी येथे शासकीय आरोग्य सुविधा उपलब्ध झाल्यानंतर चंदनझिरा, नागेवाडी, आयेशानगर, एमआयडीसी तसेच लगतच्या परिसरातील नागरिकांना मोठा फायदा होणार आहे. स्थानिक पातळीवरच प्राथमिक तसेच आवश्यक आरोग्य सुविधा उपलब्ध होण्यास मदत होणार असून, उपचारासाठी नागरिकांना दूरवर जाण्याची गरज कमी होणार आहे.

आज झालेल्या पाहणीदरम्यान आमदार अर्जुनराव खोतकर यांनी संबंधित अधिकाऱ्यांकडून प्रस्तावित जागेबाबत माहिती घेतली. आरोग्य केंद्राच्या उभारणीसाठी आवश्यक बाबी, जागेची उपलब्धता आणि पुढील कार्यवाही याबाबतही चर्चा करण्यात आली.

दरम्यान, राष्ट्रीय आरोग्य अभियान अंतर्गत (NRHM )आरोग्य केंद्रासाठी 0निधी मंजूर करून आणण्यापासून ते जागेची अडचण दूर करण्यापर्यंत आमदार खोतकर यांनी केलेल्या पाठपुराव्याबद्दल उपस्थित नागरिकांनी समाधान व्यक्त केले. परिसरातील नागरिकांचा आरोग्य सेवेचा प्रश्न मार्गी लावण्यासाठी केलेल्या प्रयत्नांबद्दल नागरिकांनी आमदार अर्जुनराव खोतकर यांचे मनःपूर्वक आभार मानले.

या पाहणीप्रसंगी शिवसेना जिल्हाप्रमुख भाऊसाहेब घुगे, शिवसेना शहरप्रमुख विष्णू पाचफुले, जालना जिल्हा शल्यचिकित्सक (CS) डॉ. राजेंद्र पाटील, विठ्ठल  दैने, संतोष रासवे, राधा किसान दाभाडे, नगरसेवक सुनील बोर्डे, नगरसेवक माजीद पठाण, नगरसेवक अनिल तिरुखे, आनंद धोत्रे यांच्यासह परिसरातील मान्यवर व नागरिक उपस्थित होते.

घटनेची माहिती मिळताच करमाड पोलीस ठाण्याचे पोलीस निरीक्षक सम्राटसिंग राजपूत, बिट जमादार जयसिंग नागलोत यांच्यासह पोलिसांचे पथक घटनास्थळी दाखल झाले. जखमींना तातडीने उपचारासाठी हलविण्याचे काम सुरू करण्यात आले.

दरम्यान, अप्पर पोलीस अधीक्षक प्रशांत स्वामी, उपविभागीय पोलीस अधिकारी पूजा नांगरे आणि पोलीस निरीक्षक सम्राटसिंग राजपूत यांनी घटनास्थळी भेट देऊन पाहणी केली. दुर्घटनेनंतर परिसरात मोठी गर्दी झाली असून, पोलिसांकडून परिस्थिती नियंत्रणात आणण्यासाठी प्रयत्न सुरू आहेत.

मृतांचा आणि जखमींचा नेमका आकडा तसेच दुर्घटनेचे कारण याबाबत अधिकृत माहिती मिळणे अद्याप बाकी आहे. प्राथमिक माहितीनुसार ब्रेक फेल झाल्याने हा अपघात झाल्याचे सांगण्यात येत आहे.

बँकेतून काढून कारमध्ये ठेवलेली रोकड चोरट्यांनी कारची काच फोडून लंपास केल्याच्या प्रकरणाचा बदनापूर पोलिसांनी छडा लावला आहे. CCTV फुटेज आणि तांत्रिक तपासाच्या आधारे आरोपींची ओळख पटविण्यात आली असून, आंध्र प्रदेशातील आरोपीच्या घरातून चोरीस गेलेली सहा लाख रुपयांची रोकड जप्त करण्यात पोलिसांना यश आले आहे.

बदनापूर येथील SBI बँकेतून ४ सप्टेंबर २०२६ रोजी विष्णु कुंडलीकराव कोल्हे (वय ४९, रा. धोपटेश्वर, ता. बदनापूर, जि. जालना) यांनी १० लाख रुपये काढले होते. ही रक्कम घेऊन ते कारमधून जात असताना चोरट्यांनी त्यांचा पाठलाग सुरू केला.

धोपटेश्वर ते देवगाव रोडवरील शिवारात कोल्हे यांनी कार उभी करून शेतात गेल्यानंतर चोरट्यांनी कारच्या मागील दरवाजाची काच फोडली आणि कारमधील रोकड घेऊन पोबारा केला. काही वेळाने परत आल्यानंतर कारची काच फुटलेली आणि रोकड गायब असल्याचे त्यांच्या निदर्शनास आले. यानंतर त्यांनी बदनापूर पोलिस ठाण्यात तक्रार दिली. त्यावरून अज्ञात चोरट्यांविरुद्ध गुन्हा दाखल करण्यात आला.

पोलिस निरीक्षक एम. टी. सुरवसे यांनी प्रकरणाचे गांभीर्य लक्षात घेऊन तातडीने दोन तपास पथके तयार केली. पथकाने परिसरातील CCTV फुटेज तपासण्यासोबतच तांत्रिक तपास केला. या तपासात मोटारसायकलवरून दोन चोरट्यांनी कारचा पाठलाग करून काच फोडत रोकड चोरल्याचे स्पष्ट झाले.

तपासादरम्यान गुंजी चालराजु जबराज आणि गुड्डेटी विनोत प्रभुदास, दोघेही रा. कपरला टिपा, ता. बिटरगुंटा, जि. नेल्लोर, आंध्र प्रदेश, यांचा गुन्ह्यात सहभाग असल्याचे निष्पन्न झाले.

आरोपींच्या अटकेसाठी पोलिसांचे पथक आंध्र प्रदेशात रवाना झाले. मात्र आरोपी पोलिसांच्या हाती लागले नाहीत. दरम्यान, तपास पथकाने आरोपीच्या राहत्या घरातून चोरीस गेलेली सहा लाख रुपयांची रोकड जप्त केली. उर्वरित रक्कम आणि अन्य आरोपींचा शोध घेण्यासाठी पोलिसांचे तपास पथक पुढील कारवाई करत आहे.

ही कारवाई जालना पोलीस अधीक्षक तेघबीर सिंह संधू, अपर पोलीस अधीक्षक विक्रम साळी आणि उपविभागीय पोलीस अधिकारी अनंत कुलकर्णी यांच्या मार्गदर्शनाखाली करण्यात आली.

कारवाईत पोलीस निरीक्षक एम. टी. सुरवसे, पोलीस उपनिरीक्षक एस. आर. कुकलारे, पोहेकॉ/६७१ ए. एस. दासर, पोको/२२७ भडंगे, पोको/३४२ पी. के. गोलवाल आणि पोको/१६९९ एस. जे. तडवी यांनी सहभाग घेतला.

गणेशोत्सवाच्या निमित्ताने जालना शहरातील प्रमुख बाजारपेठा गणेशमूर्ती, आकर्षक सजावटीच्या वस्तू, फुलांच्या माळा, पूजेचे साहित्य आणि विविध रंगीबेरंगी वस्तूंनी सजल्या आहेत. गणरायाच्या आगमनासाठी घराची सजावट करण्यासाठी बालगोपालांसह महिला, पुरुष आणि ज्येष्ठ नागरिक मोठ्या उत्साहाने खरेदी करताना दिसत आहेत. त्यामुळे शहरातील बाजारपेठांमध्ये दिवसभर लगबग सुरू असल्याचे चित्र पाहायला मिळत आहे.

गणेशोत्सवात गणरायाच्या मूर्तीला विशेष महत्त्व असल्याने विविध आकारांच्या आणि आकर्षक रूपातील गणेशमूर्ती बाजारात दाखल झाल्या आहेत. आपल्या आवडीची गणेशमूर्ती घरी नेण्यासाठी बालगोपालांसह नागरिक दुकानांमध्ये गर्दी करत आहेत. गणरायाची मूर्ती घरी आणून तिची विधिवत स्थापना करण्यासाठी भाविकांकडून तयारी केली जात आहे.
लहान मुलांमध्ये गणेशोत्सवाची विशेष उत्सुकता असून, आपल्या आवडीची बाप्पाची मूर्ती निवडण्यासाठी बालगोपाल पालकांसोबत बाजारात येत आहेत. काही ठिकाणी गणेशमूर्ती खरेदी केल्यानंतर नागरिक त्या सुरक्षितपणे घरी घेऊन जाताना दिसत आहेत.
गणरायाच्या स्वागतासाठी घराघरांत आकर्षक सजावट केली जात असल्याने सजावटीच्या वस्तूंना मोठी मागणी आहे. रंगीबेरंगी फुलांच्या माळा, विद्युत रोषणाई, आकर्षक पडदे, मखर, विविध प्रकारच्या सजावटीच्या वस्तू आणि पूजेसाठी लागणारे साहित्य बाजारात उपलब्ध झाले आहे. या वस्तूंनी बाजारपेठेला उत्सवी स्वरूप प्राप्त झाले आहे.
गणेशोत्सवाच्या काळात घरातील गणेशस्थापनेची जागा सुंदर दिसावी, यासाठी नागरिकांकडून विविध प्रकारच्या सजावटीच्या वस्तूंची खरेदी केली जात आहे. बाजारपेठेत विविध रंग, आकार आणि डिझाइनमधील साहित्य उपलब्ध असल्याने ग्राहकांना खरेदीचा पर्याय मिळत आहे.
गणरायाच्या स्थापनेसाठी लागणारे पूजासाहित्य, फुले, हार, दुर्वा, नारळ, फळे आणि इतर आवश्यक वस्तू खरेदी करण्यासाठीही नागरिकांची गर्दी होत आहे. गणेशोत्सवातील धार्मिक विधी आणि पूजेसाठी आवश्यक असणार्‍या वस्तूंची खरेदी करण्यासाठी भाविक बाजारपेठेत दाखल होत आहेत.
गणेश चतुर्थीच्या दिवशी गणरायाची स्थापना करून विधिवत पूजा-अर्चा करण्यात येणार असल्याने नागरिकांकडून त्यासाठीची तयारी पूर्ण केली जात आहे. गणरायाच्या आगमनाच्या पार्श्वभूमीवर शहरातील बाजारपेठांमध्ये उत्साह आणि आनंदाचे वातावरण निर्माण झाले आहे.
गणेशोत्सवामुळे बाजारपेठेत खरेदीसाठी नागरिकांची गर्दी वाढल्याने विविध वस्तू विकणार्‍या व्यापार्‍यांमध्येही उत्साहाचे वातावरण आहे. गणेशमूर्ती, सजावटीच्या वस्तू आणि पूजासाहित्याच्या दुकानांमध्ये ग्राहकांची वर्दळ वाढली आहे. गणेशोत्सवाच्या काळात खरेदीला वेग येत असल्याने बाजारपेठेत चैतन्य निर्माण झाले आहे.
दरम्यान, गणरायाच्या आगमनासाठी जालना शहर सज्ज झाले असून, नागरिकांमध्ये भक्तीभाव आणि उत्साहाचे वातावरण पाहायला मिळत आहे. ढोल-ताशांच्या गजरात, मंगलमय वातावरणात आणि भक्तिभावाने गणरायाचे स्वागत करण्यासाठी भाविक आतुर झाले आहेत. गणपती बाप्पा मोरया, मंगलमूर्ती मोरया, अशा जयघोषाने शहरातील वातावरण भक्तिमय होणार आहे.

विशेष म्हणजे, नंदापूर येथील मनीषा शिवाजी खरात यांनी या ग्रंथपठणात सातत्य राखत एकही दिवस खंड पडू दिलेला नाही. गेल्या अनेक दिवसांपासून त्या नियमितपणे ‘भगवान बुद्ध आणि त्यांचा धम्म’ या ग्रंथाचे पठण करीत असून, ऑक्टोबर 2026 मधील अश्विन पौर्णिमेपर्यंत हे पठण अखंड सुरू ठेवण्याचा त्यांचा निर्धार आहे. त्यांच्या या सातत्यपूर्ण सहभागामुळे धम्मपरंपरेत निष्ठा आणि समर्पणाचे आदर्श उदाहरण निर्माण झाले आहे.

नंदापूर गावात या ग्रंथपठणाचे हे 13 वे वर्ष आहे. गेल्या तेरा वर्षांपासून सुरू असलेली ही परंपरा यंदाही त्याच श्रद्धेने आणि उत्साहाने पुढे नेली जात आहे. दररोज सायंकाळी 8.30 ते 9.30 या वेळेत जेतवन बुद्ध विहारात ‘भगवान बुद्ध आणि त्यांचा धम्म’ या ग्रंथाचे वाचन व पठण केले जाते. या वेळी गावातील उपासक-उपासिका मोठ्या संख्येने उपस्थित राहून ग्रंथाचे पठण आणि श्रवण करतात.

बुद्धांच्या विचारांचा प्रसार
‘भगवान बुद्ध आणि त्यांचा धम्म’ हा ग्रंथ केवळ धार्मिक वाचनापुरता मर्यादित न ठेवता भगवान गौतम बुद्धांचे विचार, धम्माची शिकवण, समता, बंधुता, करुणा, विवेक आणि मानवतावादी दृष्टिकोन समाजापर्यंत पोहोचविण्याचे माध्यम म्हणून या उपक्रमाकडे पाहिले जात आहे. दररोज होणार्‍या ग्रंथपठणामुळे उपासक-उपासिकांमध्ये बुद्धांच्या विचारांचे आचरण करण्याची प्रेरणा निर्माण होत आहे.
ग्रंथपठणाच्या माध्यमातून समाजातील अंधश्रद्धा, विषमता आणि भेदभाव दूर करून समतेवर आधारित समाजव्यवस्था निर्माण करण्यासाठी बुद्धांच्या विचारांची आवश्यकता अधोरेखित केली जात आहे. त्यामुळे या उपक्रमाला धार्मिकतेसोबतच सामाजिक आणि वैचारिक महत्त्वही प्राप्त झाले आहे.

13 वर्षांची अखंड धम्मपरंपरा
नंदापूर येथील जेतवन बुद्ध विहारात सुरू असलेली ही ग्रंथपठणाची परंपरा गेल्या 13 वर्षांपासून सातत्याने सुरू आहे. दरवर्षी गुरुपौर्णिमेपासून अश्विन पौर्णिमेपर्यंत ग्रंथाचे नियमित वाचन केले जाते. वर्षानुवर्षे ही परंपरा जपली जात असल्याने नंदापूर परिसरात बुद्धांच्या धम्मविचारांच्या प्रसाराचे एक महत्त्वपूर्ण केंद्र म्हणून या उपक्रमाकडे पाहिले जात आहे. ग्रंथपठणाच्या काळात उपासक-उपासिका मोठ्या श्रद्धेने सहभागी होतात. ग्रंथाचे वाचन, श्रवण आणि त्यातील विचारांचे मनन करण्याबरोबरच बुद्धांच्या धम्मानुसार जीवन जगण्याचा संकल्पही यावेळी केला जातो.

मनीषा खरात यांच्या सातत्याचे कौतुक
मनीषा शिवाजी खरात यांनी नियमितपणे ग्रंथपठणात सहभाग घेत एकही दिवस खंड पडू न देता आपले सातत्य कायम ठेवले आहे. वैयक्तिक जबाबदार्‍या सांभाळत त्यांनी धम्मवाचनासाठी वेळ देत ही सेवा सुरू ठेवली आहे. त्यांच्या या उपक्रमाचे नंदापूर येथील उपासक-उपासिकांकडून विशेष कौतुक होत आहे.
केवळ काही दिवस नव्हे, तर संपूर्ण तीन महिन्यांच्या कालावधीत ग्रंथपठण अखंड सुरू ठेवण्याचा त्यांचा संकल्प असून, अश्विन पौर्णिमेपर्यंत त्या नियमितपणे ग्रंथाचे वाचन करणार आहेत. त्यांच्या या सातत्यामुळे इतरांनाही धम्मवाचनासाठी प्रेरणा मिळत आहे.

अश्विन पौर्णिमेला समारोपाचा कार्यक्रम

 गुरूपौर्णिमेपासुन ग्रंथ पठणास सुरुवात झाली असून गेल्या दिड महिन्यापासून सतत वाचन सुरु असून याची ऑक्टोबर 2026 मधील अश्विन पौर्णिमेपर्यंत या ग्रंथपठणाची समाप्ती होत असते. ग्रंथ समाप्तीवेळी नंदापूर गावात उपासक-उपासिकांच्या वतीने मोठ्या कार्यक्रमाचे आयोजन केले जात असते. या कार्यक्रमाला नंदापूरसह पंचक्रोशीतील नागरिक मोठ्या संख्येने सहभागी होत असतात.

यंदाही ग्रंथपठणाच्या समारोपानिमित्त विविध धम्मविषयक कार्यक्रमांचे आयोजन होण्याची शक्यता असून, बुद्धांच्या विचारांचा प्रसार, धम्माची शिकवण आणि सामाजिक समतेचा संदेश जनसामान्यांपर्यंत पोहोचविण्यावर भर दिला जाणार आहे.

भगवान बुद्धांच्या धम्मातील मानवतावादी विचार समाजाच्या प्रत्येक घटकापर्यंत पोहोचावेत आणि त्यांच्या शिकवणीचे आचरण दैनंदिन जीवनात व्हावे, या उद्देशाने नंदापूर येथील जेतवन बुद्ध विहारात सुरू असलेले हे अखंड ग्रंथपठण निश्चितच प्रेरणादायी ठरत आहे.

आज प्रदर्शनाच्या दुसऱ्या दिवशी शाळेतील विद्यार्थ्यांनी तसेच नागरिकांनी मोठ्या संख्येने भेट देऊन कलाकृतींचा आस्वाद घेतला. विविध माध्यमांतील चित्रे, कलाविष्कार आणि कलाकारांची सर्जनशीलता पाहून विद्यार्थी व कला रसिकांनी उत्स्फूर्त प्रतिक्रिया व्यक्त केल्या.

मा. डॉ. दीक्षा टोपे यांनीही कला प्रदर्शनाला भेट देऊन कलाकृतींची पाहणी केली. जालन्यात कला आणि संस्कृतीला प्रोत्साहन देणारे असे उपक्रम होत असल्याचे पाहून त्यांनी आनंद व्यक्त केला.

प्रदर्शनातील कै. अंभोरे सरांच्या स्मृतिप्रीत्यर्थ उभारण्यात आलेले दालन विशेष आकर्षण ठरत आहे. या दालनाला भेट देणाऱ्या नागरिकांकडून त्याचे विशेष कौतुक होत असून, कै. अंभोरे सरांच्या कलाविषयक योगदानाची आठवण जपण्यासोबतच त्यांच्या स्मृतींना उजाळा देण्याचे महत्त्वपूर्ण कार्य या माध्यमातून होत असल्याची भावना व्यक्त केली जात आहे.

तसेच अजिंक्य भैय्या टोपे यांच्या आंतरराष्ट्रीय स्तरावरील छायाचित्रांचेही प्रदर्शनात विशेष कौतुक होत आहे. त्यांच्या छायाचित्रांमधील विषयवैविध्य, कलात्मकता आणि आंतरराष्ट्रीय दर्जाची मांडणी कला रसिकांचे लक्ष वेधून घेत आहे. या छायाचित्रांमुळे प्रदर्शनाला वैविध्यपूर्ण आणि व्यापक कलादृष्टी प्राप्त झाली असल्याचे मतही व्यक्त होत आहे.

कला, संस्कृती आणि सर्जनशीलतेला चालना देणारे असे उपक्रम जालना शहराच्या सांस्कृतिक वैभवात भर घालणारे असल्याचे यावेळी मान्यवरांनी नमूद केले.

या प्रसंगी प्रा. डॉ. रावसाहेब ढवळे, श्री प्रशांत महाजन, श्री सचिन मुंदडा, प्राचार्य शहा सर, सुनील सोलाट, प्राचार्य दादासाहेब गजहंस, संजय पाटील, प्रा. सुजाता देवरे, प्रा. रणजित बायस, प्रा. डॉ. रविकिरण भुतेकर, प्रा. शंकर वैद्य, प्रा. दत्तात्रय देशमुख सर, प्रा. शंकर तिकांडे, प्रा. स्वप्नील रगडे यांच्यासह कला क्षेत्रातील मान्यवर, कलाकार, विद्यार्थी व कला रसिक उपस्थित होते.

या भव्य-दिव्य भारत माता मंदिरामुळे नंदापूर गावाची एक वेगळी ओळख निर्माण होत असून, राष्ट्रप्रेम आणि देशभक्तीचा संदेश देणारे हे मंदिर परिसराचे आकर्षण ठरणार आहे. मंदिराच्या लोकार्पण सोहळ्यास राष्ट्रीय स्वयंसेवक संघाचे केंद्रीय कार्यकारिणी सदस्य भैयुजी जोशी तसेच जालना येथील उद्योजक घनशामजी गोयल यांची प्रमुख उपस्थिती राहणार आहे.
नंदापूर हे गाव द्राक्ष उत्पादनासाठी विशेष ओळखले जाते. येथील शेतकरी मोठ्या प्रमाणावर द्राक्षाचे उत्पादन घेत असून, कृषी क्षेत्रात गावाने आपली स्वतंत्र ओळख निर्माण केली आहे. त्यातच आता भारत माता मंदिराची भव्य वास्तू उभी राहत असल्याने नंदापूरच्या ओळखीत आणखी एक मानाचा तुरा रोवला जाणार आहे.
विशेष म्हणजे भारत माता मंदिर हे समृद्धी महामार्गापासून अवघ्या दोन मिनिटांच्या अंतरावर असल्याने महामार्गावरून प्रवास करणाऱ्या नागरिकांच्या सहज नजरेत हे मंदिर भरणार आहे. भव्य स्वरूपातील भारत माता मंदिरामुळे नंदापूरकडे येणाऱ्या-जाणाऱ्या प्रवाशांचे लक्ष वेधले जाणार असून, भविष्यात हे मंदिर गावाचे प्रमुख आकर्षण आणि एक वेगळी ओळख ठरण्याची शक्यता आहे.
भारत माता मंदिराच्या माध्यमातून केवळ धार्मिक भावना जोपासण्याबरोबरच देशभक्ती, राष्ट्रनिष्ठा, सामाजिक एकोपा आणि राष्ट्रीय संस्कारांचा संदेश देण्याचा प्रयत्न करण्यात आला आहे. त्यामुळे या मंदिराच्या लोकार्पण सोहळ्याकडे नंदापूरसह परिसरातील नागरिकांचे लक्ष लागले आहे.
ग्रामस्थांकडून उपस्थितीचे आवाहन
लोकार्पण सोहळ्यानिमित्त मंदिर परिसरात विविध तयारी करण्यात येत असून, नंदापूर ग्रामस्थांमध्ये उत्साहाचे वातावरण आहे. या ऐतिहासिक सोहळ्यास नंदापूर तसेच परिसरातील नागरिकांनी मोठ्या संख्येने उपस्थित राहावे, असे आवाहन समस्त गावकरी मंडळी, नंदापूर यांच्या वतीने करण्यात आले आहे.
“जय भारत माता की जय” या जयघोषात होणारा हा लोकार्पण सोहळा नंदापूरच्या सामाजिक, सांस्कृतिक आणि राष्ट्रभक्तीच्या वाटचालीतील एक महत्त्वाचा टप्पा ठरणार आहे.

गुरुवार दि. 10 सप्टेंबर 2026 रोजी दुपारी 2 वाजता मिळालेल्या माहितीनुसार सदर बाजार पोलीस ठाण्याचे पथक 9 सप्टेंबर रोजी सायंकाळी गस्त घालत होते. यावेळी पोलिसांना खबर्‍यामार्फत कन्या प्रशाळेच्या पाठीमागील भिंतीजवळ अंधारात दोन जण मोटारसायकलचे सुटे भाग काढत असल्याची माहिती मिळाली.

माहिती मिळताच पोलिसांनी वरिष्ठ अधिकार्‍यांना कळवून संबंधित ठिकाणी धाव घेतली. रात्री सुमारे आठ वाजता पोलिसांचे पथक घटनास्थळी पोहोचले असता दोन तरुण मोटारसायकलचे सुटे भाग काढताना आढळून आले. पोलिसांना पाहताच त्यापैकी एक जण पळून जाण्याचा प्रयत्न करू लागला. पोलिसांनी पाठलाग करून त्याला पकडले.
चौकशीदरम्यान त्याने आपले नाव आदित्य आनंद नवगिरे असल्याचे सांगितले. घटनास्थळी असलेल्या दुसर्‍या तरुणाचे नाव जय अशोक उदावंत असल्याचे समोर आले. पोलिसांनी त्यांच्या ताब्यात असलेल्या मोटारसायकलबाबत चौकशी केली असता दोघांनाही वाहनाच्या मालकी हक्काबाबत समाधानकारक माहिती देता आली नाही. तसेच वाहनासंदर्भातील कोणतेही कागदपत्र त्यांनी सादर केले नाही.
पोलिसांनी पंचांसमक्ष मोटारसायकल ताब्यात घेतली. जप्त करण्यात आलेली होंडा कंपनीची राखाडी रंगाची युनिकॉर्न मोटारसायकल असून, तिची अंदाजे किंमत 45 हजार रुपये आहे. विशेष म्हणजे या मोटारसायकलला दोन्ही चाके नसल्याचे पोलिसांच्या निदर्शनास आले.
या प्रकरणी पोलीस शिपाई नजीर अहमद खान गुलाम रसूल खान पटेल यांनी दिलेल्या फिर्यादीवरून आदित्य नवगिरे आणि जय उदावंत यांच्याविरुद्ध महाराष्ट्र पोलीस अधिनियम कलम 124 तसेच भारतीय न्याय संहितेच्या संबंधित कलमान्वये गुन्हा दाखल करण्यात आला आहे. पुढील तपास सदर बाजार पोलीस करीत आहेत.

महसूल मंडळ देवमूर्ती अंतर्गत सर्व गावांतील नागरिक, शेतकरी बांधव, सरपंच, उपसरपंच, ग्रामपंचायत सदस्य, आजी-माजी जिल्हा परिषद व पंचायत समिती सदस्य तसेच सर्व प्रतिष्ठित नागरिकांना या शिबिरासाठी उपस्थित राहण्याचे आवाहन करण्यात आले आहे. कुणबी-मराठा जात प्रमाणपत्रासाठी आवश्यक पुराव्यांबाबत नागरिकांना मार्गदर्शन करण्यासह अर्ज स्वीकारण्याची प्रक्रिया या शिबिरात करण्यात येणार आहे.

शिबिरासाठी येताना नागरिकांनी स्वतःची सविस्तर व साक्षांकित वंशावळ, सन १९६० पूर्वीचा ७/१२, क-३, खसरा किंवा पाहणी पत्रक अथवा इतर जुनी महसुली नोंद सोबत आणावी. तसेच अर्जदार, वडील, आजोबा किंवा पणजोबा यांचा शाळा सोडल्याचा दाखला अथवा जन्म-मृत्यू नोंद उतारा उपलब्ध असल्यास तोही सादर करावा.

ओळखीच्या पुराव्यासाठी आधार कार्ड, रेशन कार्ड आणि दोन पासपोर्ट आकाराचे फोटो सोबत आणणे आवश्यक आहे. याशिवाय विहित नमुन्यातील स्वयंघोषणापत्र व शपथपत्रही आवश्यक राहणार आहे.

कागदपत्रांच्या अभावामुळे नागरिकांची गैरसोय होऊ नये तसेच कुणबी-मराठा जात प्रमाणपत्रासाठीची प्रक्रिया सुलभ व्हावी, या उद्देशाने हे विशेष शिबिर आयोजित करण्यात आले आहे. देवमूर्ती महसूल मंडळातील पात्र नागरिकांनी वेळेवर उपस्थित राहून पुराव्यासहित अर्ज सादर करावा आणि शिबिराचा जास्तीत जास्त लाभ घ्यावा, असे आवाहन ग्रामीण महसूल मंडळ देवमूर्ती, ता. जि. जालना यांच्या वतीने करण्यात आले आहे.

यावेळी शिवसेना उपनेते तथा आमदार अर्जुनराव खोतकर यांनी उपस्थित राहून बैलांची विधीवत पूजा केली. बैलांना सजवून त्यांची पूजा-अर्चा करण्यात आली. त्यांच्या कपाळावर कुंकू-हळदीचा टिळा लावून औक्षण करण्यात आले. तसेच बैलांच्या खांद्यांची मळणी करून त्यांना नैवेद्य दाखविण्यात आला. यावेळी शेतकरी बांधवांनी पारंपरिक पद्धतीने बैलांप्रती आपला आदर व कृतज्ञता व्यक्त केली.

ग्रामीण भागातील शेतीच्या कामात बैलांचे योगदान मोठे असून, शेतकऱ्याचा खरा सहकारी म्हणून बैलाकडे पाहिले जाते. आधुनिक युगात शेतीमध्ये यांत्रिकीकरण वाढले असले तरी बैलपोळ्याच्या माध्यमातून शेतकरी आपल्या पारंपरिक संस्कृतीशी असलेले नाते आजही जपत असल्याचे यावेळी दिसून आले.

आमदार अर्जुनराव खोतकर यांनी बैलांची पूजा करून शेतकरी बांधवांना बैलपोळ्याच्या शुभेच्छा दिल्या. शेतकरी, पशुधन आणि ग्रामीण संस्कृती यांचे नाते अधिक दृढ राहावे, अशी भावना यावेळी व्यक्त करण्यात आली. कार्यक्रमामुळे गावातील वातावरणात उत्साहाचे आणि पारंपरिक आनंदाचे वातावरण निर्माण झाले होते.

या कार्यक्रमास बबनराव डोंगरे, एकनाथ इंगळे, गोवर्धन डोंगरे, बालाजी डोंगरे, सोपान डोंगरे, सदाशिव डोंगरे, विशाल डोंगरे, सतीश डोंगरे यांच्यासह ग्रामस्थ व शेतकरी बांधव उपस्थित होते.