भाविकांच्या म्हणण्यानुसार, ही यात्रा विशेषतः बोधगया, राजगीर, वेणूवन यांसारख्या ऐतिहासिक आणि धार्मिक बौद्ध स्थळांच्या दर्शनासाठी आयोजित करण्यात आली होती. मात्र प्रत्यक्षात प्रशासनाकडून त्यांना विष्णू मंदिर, शंकर मंदिर यांसारख्या इतर धार्मिक स्थळांकडे नेले जात असल्याचा आरोप करण्यात आला आहे. आम्ही बौद्ध धम्म स्वीकारला असून आम्हाला केवळ बौद्ध स्थळांचेच दर्शन हवे आहे, अशी स्पष्ट भूमिका भाविकांनी मांडली आहे.

https://www.instagram.com/reel/DYhx4gGT-4A/?utm_source=ig_web_copy_link&igsh=MzRlODBiNWFlZA==

यात्रेदरम्यान प्रवाशांना मोठ्या गैरसोयींचाही सामना करावा लागत असल्याचे समोर आले आहे. बिहारमध्ये वाढत्या उष्णतेच्या पार्श्वभूमीवर पिण्याच्या पाण्याची पुरेशी व्यवस्था नसल्याची तक्रार करण्यात आली आहे. अनेक महिला भाविकांनी उन्हात केवळ गरम पाणी उपलब्ध होत असल्याचे सांगत नाराजी व्यक्त केली. वृद्ध प्रवासी आणि महिलांना विशेष त्रास सहन करावा लागत असल्याचेही भाविकांनी म्हटले आहे.

काही भाविकांनी आरोप केला की, तुम्हाला जायचे नसेल तर बसमध्ये बसून राहा, अशा भाषेत आयआरसीटीसीचे कर्मचारी बोलत आहेत. यामुळे यात्रेकरूंमध्ये संताप अधिक वाढला आहे. उन्हात तासन्तास थांबवून मानसिक आणि शारीरिक त्रास दिला जात असल्याचाही आरोप करण्यात आला आहे.

भाविकांनी प्रशासनाकडे तातडीने योग्य नियोजन करण्याची मागणी केली आहे. आम्हाला इतरत्र फिरवू नये, थेट राजगीर किंवा पुन्हा बोधगया येथे नेण्यात यावे, अशी मागणी त्यांनी केली आहे. तसेच जर दर्शनाची व्यवस्था शक्य नसेल, तर किमान योग्य निवास आणि रात्री वेळेवर रेल्वे स्थानकावर पोहोचवण्याची व्यवस्था करावी, अशीही मागणी करण्यात आली आहे.

या संपूर्ण प्रकारामुळे आयआरसीटीसीच्या पर्यटन व्यवस्थापनावर प्रश्नचिन्ह उपस्थित होत असून धार्मिक पर्यटनासाठी येणार्‍या प्रवाशांच्या सोयी-सुविधांबाबत प्रशासन किती गंभीर आहे, यावरही चर्चा सुरू झाली आहे.

मिळालेल्या माहितीनुसार, आंतरराष्ट्रीय स्तरावर निर्माण झालेल्या तणावपूर्ण परिस्थितीचा परिणाम गॅस पुरवठा साखळीवर होत आहे. परिणामी काही भागांमध्ये गॅस सिलेंडरचा पुरवठा मंदावला असून ग्राहकांना सिलेंडरसाठी प्रतिक्षा करावी लागत आहे. अनेक ठिकाणी नागरिक सकाळपासून गॅस एजन्सीसमोर रांगा लावत असल्याचे चित्र पाहायला मिळत आहे.

गॅसचा पुरवठा मर्यादित प्रमाणात होत असल्याने एका सिलेंडरनंतर पुढील बुकिंगसाठी देखील काही दिवसांची प्रतिक्षा करावी लागत असल्याची तक्रार ग्राहकांकडून व्यक्त करण्यात येत आहे. काही ग्राहकांनी ऑनलाईन बुकिंग करताना देखील अडचणी येत असल्याचे सांगितले आहे. त्यामुळे नागरिकांमध्ये चिंतेचे वातावरण निर्माण झाले आहे.

दरम्यान, संबंधित गॅस वितरकांकडून उपलब्ध साठ्यानुसार नागरिकांना सिलेंडर देण्याचा प्रयत्न केला जात असल्याचे सांगण्यात येत आहे. पुरवठा पूर्ववत झाल्यानंतर परिस्थिती सुरळीत होईल, असा विश्वासही व्यक्त करण्यात येत आहे.

सध्या गॅसच्या कमतरतेमुळे नागरिकांना काही प्रमाणात गैरसोयीचा सामना करावा लागत असला तरी परिस्थिती नियंत्रणात आणण्यासाठी प्रशासन आणि पुरवठा यंत्रणा प्रयत्न करत असल्याची माहिती मिळत आहे.

गेल्या काही दिवसांपासून विमान अपघाताच्या घटना झपाट्याने वाढल्या आहेत. अहमदाबाद विमान अपघातानंतर बांगलादेशमध्येही एक विमान कोसळल्याची घटना घडली होती. त्यानंतर आता अमेरिकेत एका विमानाला आग लागल्याची घटना समोर आली आहे. या घटनेमुळे प्रवाशांमध्ये भीतीचे वातावरण पसरले होते. आग लागल्याचे लक्षात येताच विमानातील सर्व 179 जणांना ताबडतोब बाहेर काढण्यात आले असल्याची माहिती समोर आली आहे. याचा व्हिडिओ सोशल मीडियावर व्हायरल झाला आहे.

https://x.com/ramdeepmishra11/status/1949257855049289786

समोर आलेल्या माहितीनुसार शनिवारी अमेरिकन एअरलाइन्सच्या एका विमानाला डेन्व्हर आंतरराष्ट्रीय विमानतळावर आग लागल्याची घटना घडली आहे. हे विमान धावपट्टीवर उभे होते, तेव्हा विमानाच्या डाव्या मुख्य लँडिंग गियरला आग लागली. त्यानंतर तात्काळ विमानातील प्रवाशांना खाली उतरवण्यात आले. याचा एक व्हिडिओ समोर आला आहे, ज्यामध्ये लोक घाबरले दिसत आहेत.

समोर आलेल्या माहितीनुसार हे विमान मियामीला जाणार होते. हे विमान धावपट्टीवर असताना त्याला आग लागल्याचे दिसून आले. त्यामुळे विमानात बसलेल्या प्रवाशांना आणि क्रू मेंबर्सना आपत्कालीन स्लाइड्सद्वारे बाहेर काढण्यात आले. या घटनेत विमानाचे मोठे नुकसान झाले असल्याची माहिती समोर आली आहे. आता हे विमान दुरुस्तीसाठी नेण्यात आले असल्याची माहिती समोर आली आहे.

या अपघातात कोणतीही जीवितहानी झाली नाही. एका व्यक्तीला किरकोळ दुखापत झाली आहे. 173 प्रवासी आणि 6 क्रू मेंबर्स सुरक्षित असल्याचे समोर आले आहे. आता ही घटना का घडली याचा तपास केला जात आहे. आगीच्या या घटनेमुळे विमानतळावरील सेवा काही काळ विस्कळीत झाली होती. अपघातानंतर हे विमान तात्काळ सेवेतून हटवले असून त्याची दुरुस्ती केली जात आहे.

या अपघाताबाबत एक निवेदन सादर करताना अमेरिकन एअरलाइन्सने म्हटले की, विमानाने टेकऑफ घेण्याच्या आधी विमानाच्या लँडिंग गियरच्या टायरमध्ये समस्या निर्माण झाली आणि आग लागली. या अपघातानंतर सर्व प्रवासी आणि क्रू मेंबर्स सुरक्षित आहेत. सध्या या विमानाची तपासणी केली जात आहे. तपासणीनंतर विमान उड्डाणासाठी तयार होईल आणि त्यानंतर पुन्हा हे विमान सेवेत दाखल होईल असं कंपनीने म्हटले आहे.