मिळालेल्या माहितीनुसार, जिल्ह्यात जलसंधारण, शेती विकास, ग्रामीण पायाभूत सुविधा, वृक्षलागवड तसेच वैयक्तिक लाभाच्या विविध कामांसाठी रोजगार हमी योजनेतून निधी उपलब्ध होत आहे. शेततळे, नाला खोलकरण, बंधारे बांधकाम, माती रस्ते, स्मशानभूमी विकास, अंगणवाडी परिसर सुधारणा अशा अनेक कामांचा समावेश आहे. मात्र या कामांमध्ये प्रत्यक्ष मजुरांऐवजी यंत्रांचा वापर मोठ्या प्रमाणात केला जात असल्याचे सांगितले जाते.
तसेच, काही ठिकाणी जवळच्या नातेवाईकांची नावे कामगार म्हणून दाखवून त्यांच्या खात्यावर पैसे जमा केले जातात आणि नंतर ते रक्कम काढून घेतली जाते, असा आरोप स्थानिकांनी केला आहे. त्यामुळे खर्या आणि गरजू मजुरांच्या हाताला काम न मिळता त्यांच्यावर उपासमारीची वेळ येत असल्याची खंत व्यक्त केली जात आहे.याशिवाय, काही गावांमध्ये सरपंच, ग्रामसेवक आणि रोजगार सेवक यांच्या संगनमताने ठरावीक कामे काढून त्यातून निधी अपहार केल्याचेही आरोप होत आहेत. या पार्श्वभूमीवर रोजगार हमी योजनेच्या उद्दिष्टांवर प्रश्नचिन्ह निर्माण झाले आहे.
Indian_Fast
या प्रकरणी संबंधित यंत्रणांनी सखोल चौकशी करून दोषींवर कठोर कारवाई करावी, तसेच गरजू मजुरांना न्याय मिळावा, अशी मागणी नागरिकांकडून होत आहे.
प्रतिनिधी
संबंधित समाचार
