सातारा

फलटण प्रतिनिधी : सातारा जिल्ह्यातील प्रसिद्ध कास पठारावर युरोपियन नीलकंठ (युरोपियन रोलर) या आकर्षक स्थलांतरित पक्ष्याचे दर्शन झाले आहे. पर्यावरण अभ्यासक गणेश सातव यांनी या पक्ष्याची नोंद केली असून, बॉम्बे नॅचरल हिस्ट्री सोसायटीचे वरिष्ठ कार्यक्रम अधिकारी नंदकुमार दुधे यांनी त्याची ओळख निश्चित केली. या दुर्मिळ निरीक्षणामुळे कास पठारावरील समृद्ध पक्षीवैविध्य पुन्हा एकदा अधोरेखित झाले आहे.

फलटण प्रतिनिधी : जोशी हॉस्पिटल प्रा. लि. यांच्या वतीने सलग दहा वर्षे आयोजित करण्यात येणाऱ्या ‘आपली फलटण मॅरेथॉन’च्या माध्यमातून डॉ. प्रसाद जोशी आणि डॉ. प्राची जोशी यांनी व्यायामाचे महत्त्व समाजाला पटवून देण्यासाठी केलेले कार्य अत्यंत महत्त्वाचे आहे. या उपक्रमातून निसर्गसंवर्धन आणि अवयवदानाचा संदेशही दिला जात असून, त्यांचे प्रयत्न कौतुकास्पद आहेत, असे प्रतिपादन माजी खासदार रणजितसिंह नाईक निंबाळकर यांनी केले.