मिळालेल्या माहितीनुसार, कैलास पवार हे 17 एप्रिलपासून बेपत्ता होते. कुटुंबीयांकडून त्यांचा शोध सुरू असताना अखेर दरेगाव शिवारातील जंगलात त्यांचा मृतदेह आढळून आला. मृतदेह रक्ताच्या थारोळ्यात आढळल्याने ही हत्या अत्यंत निर्दयीपणे करण्यात आल्याचा प्राथमिक अंदाज व्यक्त केला जात आहे.
या घटनेची माहिती मिळताच तालुका जालना पोलिसांनी घटनास्थळी धाव घेत पंचनामा केला. त्यानंतर मृतदेह शवविच्छेदनासाठी पाठवण्यात आला असून पुढील तपास सुरू आहे. या प्रकरणामुळे संपूर्ण परिसरात भीती आणि संतापाचे वातावरण निर्माण झाले आहे.Indian_Fast
तसेच, पोलिसांकडून योग्य सहकार्य मिळत नसल्याचा आरोप मयत कैलास पवार यांच्या मुलीने आणि नातेवाईकांनी केला आहे. या प्रकरणाचा सखोल तपास करून आरोपींना लवकरात लवकर अटक करण्यात येईल, अशी माहिती पोलीस निरीक्षक संतोष साबळे यांनी दिली आहे. मात्र, पिडीताच्या कुटुंबाने केलेल्या आरोपामुळे पोलीसांच्या कार्यक्षमतेवर प्रश्नचिन्ह उपस्थित होत आहेत.
या घटनेमुळे जालना शहरात खळबळ उडाली असून नागरिकांकडून आरोपींवर कठोर कारवाईची मागणी होत आहे.
प्रतिनिधी
