Help
<% catList.forEach(function(cat){ %>
<%= cat.label %>
<% }); %>
<%- node_title %>
<% if(node_description!==false){ %><%- node_title %>
Published On
<% if(node_description!==false) { %>
<%= node_description %>
<% } %>
<% catList.forEach(function(cat){ %>
<%= cat.label %>
<% }); %>
Read More...
१० कोटींच्या निधीतून वाटूर ते वझर सरकटे रस्त्याचा होणार कायापालट!
Published On
परतूर, प्रतिनिधी : ग्रामीण भागातील दळणवळण व्यवस्था सक्षम करण्याच्या दृष्टीने वाटूर ते वझर सरकटे या महत्त्वपूर्ण रस्त्याच्या सुधारणा कामाला अखेर मुहूर्त मिळाला आहे. वाटूर, लावणी, वैद्यवडगाव, जयपूर ते वझर सरकटे या गावांना जोडणाऱ्या रस्त्याच्या कामासाठी सार्वजनिक बांधकाम विभागाच्या माध्यमातून तब्बल १० कोटी रुपयांचा निधी मंजूर करण्यात आला आहे. माजी मंत्री तथा आमदार बबनराव लोणीकर यांच्या हस्ते या विकासकामाचे उद्घाटन करण्यात आले.
Read More...
कुंभार पिंपळगावात गोवंशीय मांसप्रकरणी विशेष पथकाची धडक; १ हजार १७० किलो मांसासह ३.८३ लाखांचा मुद्देमाल जप्त
Published On
जालना : घनसावंगी तालुक्यातील कुंभार पिंपळगाव येथे गोवंशीय मांसप्रकरणी जालना पोलिसांच्या विशेष पथकाने धडक कारवाई केली. या कारवाईत तब्बल १ हजार १७० किलो गोवंशीय मांसासह मांस कापण्यासाठी वापरण्यात येणारी साधने, फ्रिज आणि इतर साहित्य असा एकूण ३ लाख ८३ हजार ७०० रुपयांचा मुद्देमाल जप्त करण्यात आला. या प्रकरणी पाच जणांविरुद्ध कारवाई करण्यात आल्याने परिसरात खळबळ उडाली आहे.
Read More...
दिवाळीत दोन कुटुंबांच्या संसाराची राखरांगोळी; नंदापुरात दोन घरे जळून खाक!
Published On
नंदापूर, ता. जि. जालना : दिवाळीच्या सणानिमित्त सर्वत्र आनंद आणि उत्साहाचे वातावरण असतानाच नंदापूर गावात आगीच्या भीषण दुर्घटनेने दोन कुटुंबांवर दुःखाचा डोंगर कोसळला. शॉर्टसर्किटमुळे लागलेल्या आगीत गणेश किसनराव उबाळे आणि विजय किसनराव उबाळे या दोन भावंडांची शेजारील घरे पूर्णपणे जळून खाक झाली.
Read More...
दुष्काळाच्या झळा आता कर्मचाऱ्यांनाही; अंबड तालुक्यात दोन कर्मचाऱ्यांवर प्राणघातक हल्ले!; टँकर सुरू करण्याच्या वादातून पंचायत समिती कर्मचाऱ्यावर फायटरने हल्ला
Published On
जालना : जिल्ह्यात दुष्काळाची तीव्रता वाढत असताना पाणीटंचाईच्या प्रश्नावरून आता शासकीय कर्मचाऱ्यांच्या सुरक्षिततेचा गंभीर प्रश्न निर्माण झाला आहे. पाणीपुरवठा आणि टँकर सुरू करण्याच्या मागणीवरून शासकीय कर्मचाऱ्यांना लक्ष्य केले जात असल्याच्या दोन गंभीर घटना अंबड तालुक्यात घडल्या आहेत. अंबड पंचायत समिती कार्यालयातील पाणीपुरवठा विभागातील वाघ नामक कर्मचाऱ्यावर टँकर सुरू करण्याच्या वादातून फायटरने प्राणघातक हल्ला करण्यात आला. ही घटना ताजी असतानाच मंगळवारी (दि. ३ नोव्हेंबर) सकाळी धनगर पिंप्री येथे कर्तव्यावर असलेले ढवळे नामक ग्रामसेवक यांच्यावरही गावातच प्राणघातक हल्ला झाल्याची घटना समोर आली आहे. या दोन्ही घटनांमध्ये कर्मचाऱ्यांच्या डोक्याला गंभीर दुखापत झाल्याने जिल्ह्यातील शासकीय कर्मचारी वर्गात प्रचंड संताप व्यक्त होत आहे.
Read More...
वर्षाला तिप्पट परताव्याचे आमिष दाखवून ५० जणांना १.३२ कोटींचा गंडा; मुख्य सूत्रधार मुंबईतून जेरबंद!
Published On
जालना : गुंतवणुकीवर वर्षभरात तिप्पट रक्कम परत देण्याचे आमिष दाखवून शिक्षकासह तब्बल ५० जणांची १ कोटी ३२ लाख ५ हजार रुपयांची आर्थिक फसवणूक करणाऱ्या टोळीतील मुख्य सूत्रधाराला जालना आर्थिक गुन्हे शाखेने मुंबईतील वांद्रे येथून अटक केली आहे. मोहम्मद एजाज मोहम्मद रफिक सलाट असे अटक करण्यात आलेल्या मुख्य आरोपीचे नाव आहे. गुन्हा दाखल झाल्यापासून तो फरार होता. पोलिसांनी त्याला अटक करून जालन्यात आणल्यानंतर न्यायालयात हजर केले असता न्यायालयाने तपासासाठी पाच दिवसांची पोलीस कोठडी (पीसीआर) मंजूर केली आहे.
Read More...
जालना : काही शाळा घरांमध्ये, तर काही पत्र्याच्या खोल्यांमध्ये सुरू; विद्यार्थ्यांसाठी स्वतंत्र स्वच्छतागृहांचाही अभाव; नोंदणीकृत जागा सोडून अन्यत्रच भरतात वर्ग!
Published On
जालना : जालना शहरासह ग्रामीण भागातील खासगी शिक्षण संस्थांच्या अंतर्गत सुरू असलेल्या काही प्राथमिक शाळांचा धक्कादायक प्रकार समोर येत आहे. शाळा सुरू करण्यासाठी शिक्षण विभागाकडे नोंदणी करताना आणि मान्यता मिळविताना ज्या जागेची माहिती व कागदपत्रे सादर करण्यात आली आहेत, त्याच जागेवर प्रत्यक्षात शाळा सुरू नसल्याचे निदर्शनास येत आहे. काही शाळा नोंदणीकृत जागा सोडून अन्य ठिकाणी भरविल्या जात असल्याची बाब समोर आल्याने शिक्षण विभागाच्या कार्यपद्धतीवर प्रश्नचिन्ह उपस्थित झाले आहे. विशेष म्हणजे काही शाळा घरगुती स्वरूपाच्या इमारतींमध्ये, तर काही शाळा पत्र्याच्या खोल्यांमध्ये सुरू असल्याचे चित्र आहे. काही ठिकाणी विद्यार्थ्यांसाठी स्वतंत्र शौचालयांची व्यवस्थादेखील नसल्याचे समोर येत आहे.
Read More...
दुष्काळी जालन्यात ड्रोनद्वारे कृत्रिम पावसाचा प्रयोग; विमानाऐवजी ड्रोनद्वारे पाऊस पाडण्याचा प्रयत्न
Published On
जालना : सातत्याने जाणवणारी पाणीटंचाई, घटलेली भूजलपातळी आणि पावसाच्या अनिश्चिततेमुळे दुष्काळाच्या संकटाला सामोरे जाणाऱ्या जालना जिल्ह्यात आता कृत्रिम पावसाच्या दिशेने तंत्रज्ञानाचा आधार घेण्याचा प्रयत्न सुरू झाला आहे. स्वदेशी ड्रोन तंत्रज्ञानाच्या माध्यमातून ढगांमध्ये पाऊस पाडण्यासाठी आवश्यक द्रव्याची फवारणी करण्याची प्रायोगिक चाचणी जालना शहराजवळील इस्लामवाडी येथील टेकडीवर घेण्यात आली.
Read More...
जालन्यात रेल्वे उड्डाणपुलावरून ट्रक थेट ढाब्यावर कोसळला; दोघांचा जागीच मृत्यू, वाहनाचा चेंदामेंदा
Published On
जालना : शहरातील भाग्यनगर परिसरात शनी मंदिराजवळील रेल्वे उड्डाणपुलावर शनिवारी (दि. ३१ ऑक्टोबर) रात्री सुमारे अकरा वाजण्याच्या सुमारास अत्यंत भीषण अपघात घडला. एचआर ३९ ई ७८८६ क्रमांकाचा ट्रक अचानक चालकाच्या नियंत्रणाबाहेर जाऊन रेल्वे उड्डाणपुलावरून थेट खाली असलेल्या एकता ढाब्यावर कोसळला. या दुर्घटनेत दोघांचा जागीच मृत्यू झाला असून ट्रकचा अक्षरशः चेंदामेंदा झाला आहे. या घटनेने परिसरात मोठी खळबळ उडाली असून नागरिकांमध्ये भीतीचे वातावरण निर्माण झाले आहे.
Read More...
जालन्यात अल्पवयीन मुलांच्या हातात तलवारी! दोन विधीसंघर्षग्रस्त बालकांकडून चार धारदार शस्त्रे जप्त
Published On
जालना : शहरात अवैध शस्त्रे बाळगणाऱ्यांविरुद्ध कारवाईची मोहीम सुरू असतानाच चंदनझिरा पोलिसांनी दोन विधीसंघर्षग्रस्त बालकांकडून चार धारदार तलवारी जप्त केल्या आहेत. गुरुवारी (दि. २९ ऑक्टोबर) सायंकाळी महात्मा फुले चौक परिसरात ही कारवाई करण्यात आली. जप्त केलेल्या तलवारींची अंदाजे किंमत दहा हजार रुपये असून, याप्रकरणी दोन्ही बालकांविरुद्ध भारतीय हत्यार कायदा कलम ४/२५ अन्वये गुन्हा दाखल करण्यात आला आहे.
Read More...
ऊसतोड कामगारांच्या वारसांना आर्थिक मदतीचे धनादेश वितरित; अपघाती मृत्यू झालेल्या कामगारांच्या कुटुंबीयांना प्रत्येकी पाच लाखांची मदत
Published On
ऊसतोड कामगारांना सामाजिक सुरक्षा व आर्थिक आधार मिळावा, तसेच कामगारांच्या कुटुंबीयांना संकटाच्या काळात मदत व्हावी, या उद्देशाने लोकनेते गोपीनाथ मुंडे ऊसतोड कामगार महामंडळामार्फत आर्थिक सहाय्य योजना राबविण्यात येत आहे. या योजनेंतर्गत अपघाती मृत्यू झालेल्या ऊसतोड कामगारांच्या वारसांना पाच लाख रुपये, तर बैलजोडीच्या मृत्यूच्या प्रकरणात संबंधित कामगारांना 50 हजार रुपयांचे आर्थिक सहाय्य देण्यात येते.
Read More...
जिल्हा क्रीडा अधिकारी कार्यालय; शालेय तलवारबाजी (14 वर्षाखालील मुले व मुली); क्रीडा स्पर्धाचे उद्घाटन उत्साहात संपन्ऩ
Published On
क्रीडा व युवक सेवा, संचालनालय, महाराष्ट्र राज्य पुणे अधिनस्त़ क्रीडा व युवक सेवा, छत्रपती संभाजीनगर विभाग, छत्रपती संभाजीनगर, जिल्हा क्रीडा अधिकारी कार्यालय तथा जिल्हा क्रीडा परिषद, जालना व जिल्हा राज्य फेसिंग असोशिएशन यांच्या सहकार्याने राज्य़स्तर शालेय तलवारबाजी ( 14 वर्षाखालील मुले व मुली) क्रीडा स्पर्धाचे आयोजन दि. 29 ते 31 ऑक्टोबर 2026 कालावधीत जिल्हा क्रीडा संकुल, जालना येथे करण्यात आले आहेत.
Read More...
‘बुद्ध आणि त्यांचा धम्म’ ग्रंथाच्या वर्षावास सांगता सोहळ्याचे आयोजन
Published On
जालना/प्रतिनिधी ः जालना तालुक्यातील मानेगाव (खा.) येथील आनंद बुद्ध विहाराच्या वतीने आषाढी पौर्णिमेपासून सुरू असलेल्या ‘बुद्ध आणि त्यांचा धम्म’ या पवित्र ग्रंथाच्या वर्षावास सांगता सोहळ्याचे आयोजन आज शुक्रवार, दि. 30 ऑक्टोबर 2026 रोजी करण्यात आले आहे. या कार्यक्रमात धम्मप्रवचन, बुद्धपूजा, धम्मदेशना, भोजनदान आणि विविध धार्मिक कार्यक्रमांचे आयोजन करण्यात आले आहे.
Read More...
