अवैध गौण खनिज उत्खनन व वाहतूक करणार्यांवर कारवाई करण्याच्या सूचना सहायक पोलीस निरीक्षक यांनी दिल्या होत्या. त्यानुसार मौजपुरी पोलिसांकडून माहिती संकलन सुरू असताना गुप्त बातमीदारामार्फत माहिती मिळाली की, घेटुळी शिवारातील दुधना नदीपात्रातून एक ट्रॅक्टर वाळूची अवैध वाहतूक करत आहे.
या खात्रीलायक माहितीनंतर सहायक पोलीस निरीक्षक अतुल पाटील यांच्या मार्गदर्शनाखाली पोलिसांनी तात्काळ घटनास्थळी धाव घेतली. तेथे पाहणी केली असता एक लाल रंगाचे विनाक्रमांक ट्रॅक्टर ट्रॉलीसह दिसून आले. पोलिसांना पाहताच चालकाने ट्रॅक्टर पळवण्याचा प्रयत्न केला. मात्र पोलिसांनी पाठलाग करून जालना-मंठा महामार्गावरील बाबुलतारा पाटी येथे ट्रॅक्टर पकडले.Indian_Fast
ही कारवाई पोलीस अधीक्षक अजयकुमार बंसल, अपर पोलीस अधीक्षक आयुष नोपानी, उपविभागीय पोलीस अधिकारी रामेश्वर रेंगे यांच्या मार्गदर्शनाखाली सहायक पोलीस निरीक्षक अतुल पाटील, चंद्रकांत पवार, दादासाहेब हरणे, नितीन खरात, प्रदीप पाचरणे, प्रशांत म्हस्के, कैलास शिवणकर, सदाशिव खैरे, धोंडीराम वाघमारे यांच्या पथकाने केली.
प्रतिनिधी
