गाडी क्र. 20705 (हजूर साहिब नांदेड - छत्रपती शिवाजी महाराज टर्मिनस मुंबई) ही 3 मे 2026 पासून सुधारित वेळेनुसार धावेल. नांदेड येथून सुटण्याची वेळ सकाळी 05:00 ऐवजी 05:20 करण्यात आली आहे. परभणी, जालना, छत्रपती संभाजीनगर आदी स्थानकांवरील आगमन व प्रस्थान वेळेत काही मिनिटांचे बदल करण्यात आले आहेत. छत्रपती शिवाजी महाराज टर्मिनस येथे आगमनाची वेळ 14:25 ऐवजी 14:15 अशी सुधारित करण्यात आली आहे.
गाडी क्र. 20706 (छत्रपती शिवाजी महाराज टर्मिनस मुंबई - हजूर साहिब नांदेड) हीदेखील 3 मे 2026 पासून नव्या वेळेनुसार धावेल. मुंबई येथून सुटण्याची वेळ 13:10 ऐवजी 13:15 करण्यात आली आहे. मार्गातील प्रमुख स्थानकांवरील वेळेत बदल करण्यात आला असून एकूण प्रवास कालावधीत सुमारे 30 मिनिटांची बचत होणार आहे.Indian_Fast
तसेच गाडी क्र. 12072 हिंगोली - मुंबई जनशताब्दी गाडी हिंगोली येथून 04:20 ऐवजी 04:15 वाजता सुटेल. बसमत, पूर्णा, परभणी, सेलू, परतूर आणि जालना स्थानकांवरीील वेळेत प्रत्येकी काही मिनिटांचे बदल करण्यात आले आहेत. जालना येथे आगमनाची वेळ 08:28 ऐवजी 08:23 अशी करण्यात आली आहे.
प्रवाशांनी प्रवासापूर्वी सुधारित वेळापत्रकाची खातरजमा करूनच नियोजन करावे, असे आवाहन रेल्वे प्रशासनाने केले आहे. नवीन वेळापत्रक दिनांक 3 मे 2026 पासून प्रभावी होणार आहे.
प्रतिनिधी
संबंधित समाचार
