अनेक उपाहारगृहे बंद झाली आहेत, तर काही ठिकाणी अन्न शिजवण्यासाठी पुन्हा एकदा लाकूडफाटा जाळण्याचा जुना मार्ग अवलंबला जात आहे. या गंभीर समस्येवर अॅड. महेश धन्नावत यांनी तीव्र चिंता व्यक्त केली असून शासनाने तातडीने लक्ष घालून व्यावसायिक गॅस सिलेंडरचा पुरवठा सुरळीत करावा, अशी मागणी केली आहे.
अॅड. महेश धन्नावत यांनी निदर्शनास आणून दिले की, एकीकडे व्यावसायिक सिलेंडरचा तुटवडा असताना, काही हॉटेल्स मात्र सुरळीत सुरू आहेत. रस्त्यावरील लहान विक्रेते आणि काही शासकीय उपहारगृहांमध्ये घरगुती गॅस सिलेंडरचा सर्रास वापर होत आहे. ही बाब जिल्हा पुरवठा विभागाच्या कार्यक्षमतेवर गंभीर प्रश्नचिन्ह निर्माण करते. घरगुती सिलेंडरचा व्यावसायिक वापर करणे हे ’अत्यावश्यक वस्तू कायदा, 1955’ आणि ’एलपीजी (पुरवठा आणि वितरण नियमन) आदेश, 2000’ अंतर्गत गंभीर गुन्हा आहे. असे असतानाही पुरवठा विभागाकडून होणारे दुर्लक्ष संशयास्पद आहे. असेही त्यांनी म्हटले.https://www.instagram.com/reel/DWZmFHTDlVD/?utm_source=ig_web_copy_link&igsh=MzRlODBiNWFlZA==
Indian_Fast
या समस्येमुळे केवळ हॉटेल व्यावसायिकच नव्हे, तर त्यावर अवलंबून असलेले अनेक घटक प्रभावित झाले आहेत. अनेक महाविद्यालयात शिक्षण घेणारे विद्यार्थी ’कमवा आणि शिका’ या योजनेअंतर्गत हॉटेल्समध्ये काम करून आपला उदरनिर्वाह करतात. हॉटेल्स बंद पडल्यास त्यांच्या शिक्षणावर आणि रोजगारावर थेट परिणाम होईल. यापूर्वी रात्री 10 वाजता हॉटेल्स बंद करण्याच्या पोलीस प्रशासनाच्या नियमामुळे व्यावसायिक आधीच त्रस्त होते, त्यात आता या नव्या संकटामुळे ते अधिकच खचले आहेत. असेही धन्नावत यांनी म्हटले आहे.
#shubhprabhat
प्रतिनिधी
संबंधित समाचार
