तहसीलदार तथा सहाय्यक मतदार नोंदणी अधिकारी, जालना यांच्या आदेशानुसार तसेच मुख्य निवडणूक अधिकारी, महाराष्ट्र राज्य, मुंबई यांच्या 3 मार्च 2026 च्या परिपत्रकानुसार संबंधित बीएलओ यांना मतदार यादीतील अस्पष्ट व मानवी नसलेल्या छायाचित्रांची पडताळणी, तसेच विविध निवडणूक संबंधित कामे करण्याची जबाबदारी सोपविण्यात आली होती. मात्र संबंधित कर्मचार्यांनी आदेश असूनही कामावर रुजू न होता वारंवार बैठकींना अनुपस्थित राहिल्याचे समोर आले आहे.
या संदर्भात 29 जानेवारी, 5 फेब्रुवारी, 4 मार्च, 5 मार्च, 6 मार्च, 11 मार्च आणि 20 मार्च 2026 रोजी पत्रे देऊनही संबंधितांनी कोणताही प्रतिसाद दिला नाही. तसेच 27 मार्च रोजीच्या बैठकीलाही ते अनुपस्थित राहिले. कारणे दाखवा नोटीस देऊनही कोणताही खुलासा सादर करण्यात आलेला नाही.Indian_Fast
संबंधित कर्मचार्यांच्या जाणीवपूर्वक टाळाटाळीमुळे निवडणूक कामात अडथळा निर्माण झाल्याने त्यांच्या विरोधात भारतीय दंड संहिता कलम 234 तसेच लोकप्रतिनिधीत्व अधिनियम 1950 च्या कलम 134 अंतर्गत कायदेशीर कारवाई करण्या आली आहे.
प्रतिनिधी
