नियोजनबद्ध सापळ्यात अडकलेल्या चार आरोपींना अटक करून तीन पीडित महिलांची सुटका केली असून, या घटनेने परिसरातील गुन्हेगारांच्या धाब्यावर दणका बसला आहे. पोलिसांच्या या तत्परतेमुळे स्थानिक नागरिकांमध्ये कौतुकाची लहर उसळली असून, अशा कारवाया वाढवाव्यात अशी मागणी होत आहे.
प्राप्त माहितीनुसार, पेण पोलीस ठाण्याचे पोलीस निरीक्षक संदीप बागुल यांना गुप्त बातमीदाराकडून बोरगाव येथील ’सेलीब्रेशन रिसॉर्ट’मध्ये वेश्याव्यवसाय चालवला जात असल्याची टिप मिळाली. माहितीची खातरजमा करून रायगड जिल्हा पोलीस अधीक्षक आँचल दलाल व अप्पर पोलीस अधीक्षक अभिजीत शिवथरे या वरिष्ठ अधिकार्यांच्या मार्गदर्शनाखाली पोलिसांनी तात्काळ मोहीम आखली. 23 मार्च 2026 रोजी रात्री सुमारे 8.40 वाजता दोन बनावट ग्राहकांना रिसॉर्टमध्ये पाठवून सापळा रचला. वेश्याव्यवसायाची खात्री पटल्यानंतर पोलिसांनी धाडसाने छापा टाकत संपूर्ण काळा व्यवसाय उघडकीस आणला.Indian_Fast
दरम्यान, या छाप्यात वेश्याव्यवसायासाठी आणलेल्या तीन पीडित महिलांची सुटका करून त्यांना आवश्यक वैद्यकीय मदत, समुपदेशन आणि संरक्षण देण्यात येत आहे. ही कारवाई पोलीस निरीक्षक संदीप बागुल, सहायक पोलीस निरीक्षक निलेश राजपूत आणि त्यांच्या शिपाई पथकाने अत्यंत गोपनीय आणि नियोजनबद्ध पद्धतीने पार पाडली. पेण, अलिबाग आणि आजूबाजूच्या तालुक्यांतील रिसॉर्ट चालकांच्या अवैध कारभारावर या यशस्वी छाप्याने मोठा फटका बसला असून, स्थानिक नागरिकांतून पोलिसांच्या भूमिकेचे भरभरून कौतुक होत आहे.
या प्रकरणाने पेण परिसरातील शांततेला धोका निर्माण करणार्या अशा गुन्ह्यांवर पोलिसांनी आळा घालण्याची क्षमता दाखवली आहे. नागरिक म्हणतात, पोलिसांच्या या झंजावाती कारवाईमुळे आपल्या मुली-बहीणी सुरक्षित राहतील. पोलिस विभागाने दिलेल्या माहितीनुसार, तपास पुढे सुरू असून, अशा गुन्ह्यांवर भविष्यातही कठोर कारवाई केली जाईल.
प्रतिनिधी
संबंधित समाचार
