दरम्यान, सोशल मीडियावर पेट्रोल-डिझेल टंचाई व संभाव्य दरवाढीबाबतच्या अफवा पसरल्याने नागरिकांनी घाईघाईने इंधन भरण्यासाठी धाव घेतल्याचे दिसून आले. यामुळे अनेक पेट्रोल पंपांवर तासन्तास प्रतीक्षा करण्याची वेळ वाहनचालकांवर आली. काही ठिकाणी इंधन संपल्याच्या चर्चा पसरल्याने इतर पंपांवरील गर्दी आणखी वाढली.
https://www.instagram.com/reel/DVz-0HrCCX5/?utm_source=ig_web_copy_link
Indian_Fast
गर्दीच्या पार्श्वभूमीवर वाहतूक पोलिसांनी काही ठिकाणी अतिरिक्त बंदोबस्त ठेवून वाहतूक सुरळीत करण्याचे प्रयत्न केले. तरीही, अचानक वाढलेल्या वाहनसंख्येमुळे काही काळ गोंधळाचे वातावरण निर्माण झाले.
जिल्हा प्रशासनाने नागरिकांना कोणत्याही अफवांवर विश्वास न ठेवण्याचे आवाहन केले आहे. तसेच पेट्रोल, डिझेल किंवा गॅसची साठेबाजी न करता केवळ आवश्यकतेनुसारच इंधन खरेदी करावे, असेही स्पष्ट करण्यात आले आहे. पेट्रोल पंपांवर शिस्त पाळून सहकार्य करण्याचे आवाहन करण्यात आले आहे.
प्रशासनाकडून सर्व संबंधित यंत्रणांवर सतत देखरेख ठेवण्यात येत असून, इंधनाचा पुरवठा सुरळीत राहील यासाठी आवश्यक ती सर्व खबरदारी घेतली जात आहे. नागरिकांनी घाबरून अनावश्यक गर्दी करू नये, असे आवाहन जिल्हाधिकारी आणि जिल्हा प्रशासनाच्या वतीने करण्यात आले आहे.
एकूणच, अफवा आणि अचानक वाढलेल्या मागणीमुळे निर्माण झालेली ही परिस्थिती तात्पुरती असली तरी नागरिकांनी संयम राखून जबाबदारीने वागणे गरजेचे असल्याचे पुन्हा एकदा अधोरेखित झाले आहे.
प्रतिनिधी
संबंधित समाचार
