17 फेब्रुवारी 2026 रोजी जिजामाता चौक येथे हाजी शेख इब्राहिम शेख वाहाब यांना चाकूचा धाक दाखवून 60 हजार रुपये लुटल्याचा गुन्हा सदर बाजार पोलीस ठाण्यात दाखल होता. या गुन्ह्याचा तपास करताना अशोक ऊर्फ मुक्या भिकाजी तरकसे रा. कन्हैयानगर, जालना याच्यावर संशय बळावला. गुन्ह्यानंतर तो सतत वेगवेगळ्या शहरांमध्ये लपत असल्याची माहिती मिळाली होती.
19 मार्च रोजी आरोपी नाशिकमध्ये येणार असल्याची खात्रीशीर माहिती मिळाल्यानंतर पथकाने सिन्नर येथे सापळा रचून त्याला ताब्यात घेतले. चौकशीदरम्यान त्याने जिजामाता चौकातील जबरी चोरीची कबुली देत 16 हजार 500 रुपये रोख परत दिले.Indian_Fast
https://www.instagram.com/reel/DWHQ0WNCMpu/?utm_source=ig_web_copy_link&igsh=MzRlODBiNWFlZA==
आरोपीवर यापूर्वीही मोटारसायकल चोरी, घरफोडी आणि जबरी चोरीचे तब्बल 16 गुन्हे विविध पोलीस ठाण्यांत दाखल असल्याचे तपासात समोर आले आहे. पुढील तपासासाठी आरोपीला सदर बाजार पोलीस ठाण्याच्या ताब्यात देण्यात आले आहे.
ही कारवाई पोलीस अधीक्षक अजय कुमार बंसल, अपर पोलीस अधीक्षक आयुष नोपाणी व उपविभागीय पोलीस अधिकारी अनंत कुलकर्णी यांच्या मार्गदर्शनाखाली स्थानिक गुन्हे शाखेचे पोलीस निरीक्षक पंकज जाधव, सपोनि. सचिन खामगळ, पोउपनि. राजेंद्र वाघ व सोबत स्थागुशाचे अमंलदार रमेश राठोड, प्रभाकर वाघ, लक्ष्मीकांत आडेप, सागर बाविस्कर, सतिष श्रीवास, संदीप चिंचोले, रमेश काळे यांनी केली आहे.
प्रतिनिधी
संबंधित समाचार
