Help
ट्रकचा झाला पूर्णपणे चेंदामेंदा
ट्रक थेट ढाब्याच्या परिसरात कोसळल्याने वाहनाच्या केबिनचा पूर्णपणे चुराडा झाला. अपघाताची तीव्रता इतकी मोठी होती की ट्रकचे अनेक भाग वाकले असून वाहनाचे मोठ्या प्रमाणात नुकसान झाले आहे. ढाब्याच्या परिसरात ट्रक कोसळल्याने तेथे उपस्थित असलेल्या नागरिकांमध्ये भीतीचे वातावरण निर्माण झाले. काही क्षणांपूर्वी नेहमीप्रमाणे सुरू असलेल्या परिसरात अचानक मृत्यूचे तांडव पाहायला मिळाले.
दोघांचा जागीच मृत्यू
या भीषण दुर्घटनेत दोघांचा घटनास्थळीच मृत्यू झाल्याची माहिती समोर आली आहे. मृतांमध्ये ट्रक चालकासह अन्य एका व्यक्तीचा समावेश असल्याचे प्राथमिक वृत्त आहे. मात्र, मृतांची संपूर्ण ओळख आणि अपघाताच्या वेळी ते नेमके कुठे होते, याबाबत अधिकृत माहिती अद्याप स्पष्ट झालेली नाही. या घटनेमुळे मृतांच्या कुटुंबीयांवर दुःखाचा डोंगर कोसळला आहे.अपघातानंतर नागरिकांची घटनास्थळी गर्दी
Indian_Fast
उड्डाणपुलाच्या सुरक्षिततेचा प्रश्न पुन्हा ऐरणीवर
शहरातील वर्दळीच्या भागात रेल्वे उड्डाणपुलावरून अवजड ट्रक थेट खाली ढाब्यावर कोसळल्याने उड्डाणपुलाच्या सुरक्षिततेचा प्रश्न पुन्हा एकदा ऐरणीवर आला आहे. पुलावरील संरक्षक कठड्यांची मजबुती, अवजड वाहनांचा वेग आणि वाहतूक नियंत्रण याबाबत संबंधित यंत्रणांनी गांभीर्याने लक्ष देण्याची गरज व्यक्त होत आहे.
दरम्यान, ट्रक चालकाचे नियंत्रण नेमके कोणत्या कारणामुळे सुटले, वाहनात काही तांत्रिक बिघाड झाला होता का किंवा अन्य काही कारण होते, याचा तपास पोलीस प्रशासनाकडून केला जाणार आहे. या भीषण दुर्घटनेने जालना शहरात हळहळ व्यक्त होत आहे.
प्रतिनिधी
