Help
घनसावंगी पोलीस ठाण्याच्या हद्दीत येणाऱ्या कुंभार पिंपळगाव येथे गोवंशीय मांसासंदर्भात माहिती मिळाल्यानंतर जालना विशेष पथकाने कारवाई केली. पथकाने संबंधित ठिकाणी तपासणी केली असता मोठ्या प्रमाणात गोवंशीय मांस आढळून आले. पोलिसांनी घटनास्थळावरून अंदाजे १ हजार १७० किलो मांस जप्त केले. यासोबतच मांस कापण्याची साधने, फ्रिज आणि अन्य संबंधित साहित्यही ताब्यात घेण्यात आले.
या कारवाईत कौसर सत्तार कुरेशी, लुकमान फारुख कुरेशी, अबरार यासीन पठाण, मुख्तार जुगन कुरेशी आणि इस्माईल मेहबूब कुरेशी या पाच जणांविरुद्ध कारवाई करण्यात आली आहे. हे सर्वजण कुंभार पिंपळगाव येथील रहिवासी आहेत.Indian_Fast
गोवंशीय मांसप्रकरणी करण्यात आलेल्या या कारवाईमुळे घनसावंगी तालुक्यात चर्चेला उधाण आले असून, या प्रकरणाचा पुढील तपास घनसावंगी पोलीस करीत आहेत.
प्रतिनिधी
