महापूराच्या वेळी नदीपात्र अरुंद असल्याने पाण्याचा वेग वाढून अनेक भाग जलमय झाले होते. बसस्थानक परिसरातील दुकाने, हातगाडे, लहान व्यवसायिक तसेच नागरिकांच्या घरांमध्ये पाणी शिरल्याने लाखो रुपयांचे नुकसान झाले होते. यानंतर स्थानिक नागरिक, व्यापारी संघटना आणि सामाजिक कार्यकर्त्यांकडून नदीचे पात्र रुंद करण्याची मागणी सातत्याने करण्यात येत होती.
या मागणीची दखल घेत प्रशासनाने महसूल विभाग, सार्वजनिक बांधकाम विभाग तसेच नगरपालिकेच्या संयुक्त विद्यमाने नदी सुधारणा आराखडा तयार केला आहे. त्यानुसार नदीतील गाळ काढणे, अतिक्रमणे हटविणे, पात्राची रुंदी वाढविणे आणि पाण्याचा प्रवाह सुरळीत करण्यासाठी आवश्यक तांत्रिक कामे सुरू करण्यात आली आहेत.Indian_Fast
स्थानिक नागरिकांनी या कामाचे स्वागत केले असून भविष्यात पूरस्थिती टाळण्यासाठी हे पाऊल महत्त्वाचे असल्याचे मत व्यक्त केले आहे. “गतवर्षीच्या पुरामुळे मोठे नुकसान झाले होते. आता नदीचे पात्र मोठे होत असल्याने नागरिकांना दिलासा मिळेल,” अशी प्रतिक्रिया परिसरातील व्यापाऱ्यांनी दिली.
दरम्यान, प्रशासनाने नागरिकांना नदीकाठावर अतिक्रमण न करण्याचे आवाहन केले असून पावसाळ्यापूर्वी पूरनियंत्रणाच्या दृष्टीने सर्व आवश्यक उपाययोजना करण्यात येत असल्याचे सांगितले आहे.
प्रतिनिधी
संबंधित समाचार
.jpeg)
.jpeg)
