औद्योगीक वसाहत भागात दहशत माजवणार्‍या दोघांना अटक; 2 खंजर जप्त; चंदनझीरा पोलीसांची कारवाई

ही कारवाई वरिष्ठ पोलीस अधिकारी यांच्या मार्गदर्शनाखाली करण्यात आली करण्यात आली.

Published By Shubh Prabhat
On

जालना औद्योगीक परिसरात अवैधरित्या धारदार शस्त्र बाळगून दहशत निर्माण करणार्‍या दोन युवकांना चंदनझिरा पोलिसांनी अटक केली असून त्यांच्या ताब्यातून दोन धारदार खंजर जप्त करण्यात आले आहेत.

एमआयडीसी भागात दोन युवक धारदार शस्त्र घेऊन फिरत असल्याची माहिती पोलीस निरीक्षक बाळासाहेब पवार यांना मिळाली होती. त्यांच्या सूचनेनुसार पोलिसांचे पथक तात्काळ एमआयडीसी  परिसरातील स्वराज पार्किंगसमोरील रस्त्यावर पोहोचले. तेथे संशयित युवकांना ताब्यात घेऊन झडती घेतली असता त्यांच्या जवळून दोन धारदार खंजर आढळून आले.

या प्रकरणी आरोपी ओमकार शामधन सिंघल रा. संतोषीमाता नगर, मुकुंदवाडी, छत्रपती संभाजीनगर व ओमकार गिरीजाशंकर शेळके रा. धनगर पिंप्री, ता. अंबड, जि. जालना यांच्याविरुद्ध पोहेकॉ प्रशांत देशमुख व कृष्णा तंगे यांच्या फिर्यादीवरून भारतीय हत्यार कायदा कलम 4/25 प्रमाणे दोन वेगवेगळे गुन्हे दाखल करण्यात आले आहेत.

Indian_Fast

सदर गुन्ह्याचा तपास सहाय्यक पोलीस उपनिरीक्षक मनसुब वेताळ व पोहेकॉ रवि देशमुख करीत आहेत. ही कारवाई पोलीस अधीक्षक तेगबीर सिंह संधु, अपर पोलीस अधीक्षक विक्रम साळी तसेच उपविभागीय पोलीस अधिकारी अनंत कुलकर्णी यांच्या मार्गदर्शनाखाली पोलीस निरीक्षक बाळासाहेब पवार यांच्या नेतृत्वात सपोउपनि मनसुब वेताळ, प्रशांत देशमुख, कृष्णा तंगे व रविंद्र देशमुख यांनी केली.

प्रतिनिधी

संबंधित समाचार